REGISTRES DU BUREAU

[i545]

congnoissans, par antiquité ou autrement, la faculté des personnes demourans en chascune dixaine desd, quartiers, pour faire la cotization egallement et

justement, le fort portant le foible, afin de dilligenter à veoir et savoir commant on pourra lever la somme qu'il plaira au Roy arrester et demander à lad. Ville⁽¹⁾.

LXVII [XVI]. — [Réponse rapportée par les Députés envoyés vers le Roi.]

io avril 1545. (Fol. 24) W.

Du vendredi, x^e jour d'Avril mil v° quarante cinq.

Aujourd'uy, en assemblée faicte après la messe de la reduction de Paris'³', Mess" retirez ou Bureau de lad. Ville pour adviser ès affaires de lad. Ville, où estoient, c'est assavoir :

Mons^r le Lieutenant civil, maistre Jehan Morin, Prevost des Marchans;

Mons^r le Lieutenant criminel, maistre Pierre Seguier, Choppin et de Sainct Germain, Eschevins;

Mons^r maistre Martin de Bragelongne, Paillart, T. de Bragelongne, T. de Montmirel, Lecomte, Bouchard, Conseillers;

Basannier, Courtin, Parfaict, Maciot, Danès, Prevost, Gohory, Hac, Quarteniers de lad. Ville;

Ausquelz mond. s^r le Prevost des Marchans a remonstré qu'il est bon de faire demain assemblée, pour adviser sur Ies vi" bi livres tournois demandez par le Roy à lad. Ville, et sur la responce et retour de maistre Thomas de Bragelongne, qui avoit, en la derniere assemblée, esté esleu par Mess" pour aller avec sire Jehan Berthelemy, Eschevin, vers le Roy, pour demander moderation de lad. somme, delay du terme et payement d'icelle, et adresse des lettres patentes à lad. Ville; lequel Bragelongne a declairé que Je Roy ne son Conseil n'ont voulloir moderer lad. somme, ne donner terme, pour la consequence qu'il pourroit estre pour les autres villes; et auroit obtenu lad. adresse au Prevost des Marchans et Eschevins de lad. Ville, à ce que led. seigneur feust

obey et que lad. somme feust levée, selon le contenu èsd. lettres.

Après lequel récit, a esté conclud et advisé que, pour obeyr au Roy, seroit demain faicte assemblée de Mess" les Conseillers et Quarteniers de lad. Ville, pour adviser quelz moyens et quel ordre on y pourroit garder, affin de penser la forme et maniere de lever lad. somme, et après faire assemblée generalle pour faire la derniere conclusion. Ce faict, led. maistre Thomas de Bragelongne a presenté à mesdictz s^rs lesd, lettres patentes du Roy, faisant mencion de l'adresse à lad. Ville, au lieu de Mons' le Prevost de Paris.

[Ordre aux sergents de se tenir à la disposition

des Quarteniers.] Aujourd'huy, au Bureau de lad. Ville, presens plusieurs Conseillers et Quarteniers d'icelle, a esté enjoinct par mesd. s^rs de lad. Ville à Robert Colart, Mathurin Petit, Pierre Carré, Jehan Nalin, Simon de Fresnes, Pierre du Moussoy et Thomas Dutoy, sergens de lad. Ville et aux autres sergens d'icelle, d'aller servir les Quarteniers, ainsi qui leur a esté mandé, sur peyne de privation de leurs estatz. Lesquelz sergens ont faict responce qu'ilz sont prestz de servir le Roy et la Ville à toutes heures, pourveu que on leur donne sallaire pour vivre et qu'ilz soient, payez par chascune sepmaine, et que l'esté passé ilz ont besongné pour lesd. Quarteniers, dont ilz n'ont eu aucun sallaire '*>.

LXVIII [XVII]. —Po UR LES SIX VINGTZ MIL LIVRES. 11 avril i545. (Fol. 25.)

Du samedi, xi" jour d'Avril mil v° xlv après Pasques.

En assemblée le jour d'uy faicte, en l'Ostel de la

Ville de Paris, de Mess" les Prevost des Marchans, Eschevins, Conseillers et Quarteniers de lad. Ville, suyvant les mandemens le jour d'hier

(i' Les deux tiers du fol. 19 v° sont demeurés en blanc.

W Ici l'ordre est interverti dans le Registre. Les fol. 20 à 23 sont occupés par le procès-verbal de la séance du 25 mai i545, que l'on trouvera ci-dessous, art. LXXI [XX], rétabli à sa place chronologique.

(3) Cérémonie commémorative de la reprise de Paris sur les Anglais par Charles VII, l'an 1436. O La moitié du verso du fol. a4 est en blanc.